年頭大大聲講半年內要打好晒結婚文...
而家先講到化妝師，我諗都應該搞唔掂XD
唔緊要，都係旨在比自己記低呢個大 Project，我試下 6 月勤力少少追下進度先！
原先化妝師一早已經搵左化妝師朋友，無試妝之下比埋訂疊埋心水等 Big Day
點知朋友通知檔期出現問題，最後我選擇退訂
當時離婚禮仲有 9 個月，勁慌唔知點算，要知道而家好多都早1-2年就 book 好晒 mua
好在 10 月 B2B Group 好幫得手，一開聲求救就勁多 mua 資料彈比我參考
如果大家準備結婚一定要入同月 B2B Group，同聲同氣好開心架！
到而家仲有 keep 住吹下水食下飯咁
因為預算唔多，見到 Elke 個價錢好平，當時我係join 5千尾全日價 (價已加)
FB 睇完妝相又幾岩心水就立即問期，好好彩當日仲有期 (勁開心)
好快就約左去試妝喇！
第一次親身接觸已經覺得 Elke 係一個好 Nice 嘅化妝師，成日都會話 OK無問題啊！
化妝前會做一大輪護膚先開始上妝，真係好細心
先試褂頭，我對同心結有種情意結，整完都好鐘意呀！
襯埋褂一定好好睇，FF自己係良家少婦咁XDDD
之後轉少少妝試 2 個晚妝頭，因為我面又肥又闊要求唔好全部扎晒上去
Elke 對巧手一陣就整好，要知道 mua 快手都係好重要 (筆記)
仲比左好多頭飾配搭睇效果
其實睇落瘦同順眼我就 OK，對呢方面唔算好高要求
個妝用左噴槍好貼好無瑕 ( 0 美肌原相直出)
伴娘好好陪我試妝佢都話唔錯呀！當日就比埋訂直接卜搥
話咁快就到左 Big Day
之前同左 Elke 講想要鮮花頭飾，佢就會幫手買，有晒單據
當日個同心結比試妝更高水準，真係好鐘意，明明唔夠訓化完都好精靈
比多 D 花絮大家睇睇，全日最鐘意都係套褂
仲有攝影師作品 (之後會講攝影師，唔好心急XD)
外拍去左南生圍，呢個造型新清自然襯番個環境
影左好多靚相好開心
趕番酒樓就要準備註冊，經歷左大半日又出汗個妝開始 Hold 唔住
Elke 幫我落左底妝再一次 Skin care 加按摩先上妝
本身好鐘意棉花 (鬼怪效應！) 同滿天星，我都有特別要求用呢 2 種花整頭
註冊就用左喇！簡簡單單好似好純潔咁XDDD
迎賓好公主都好鐘意
想帶皇冠好耐，結婚唔用幾時用？！就進場用啦！
當日我就係公主（而家變左阿四...)
皇冠都有好幾款揀，我鐘意清清地呢款
敬酒加埋 D 花好有聖誕 fu，要周圍行造型都比較俐落 D
最後送客用鮮花頭飾，咁就唔洗之後又要特登約時間交還，好貼心
唔記得講我仲加錢化埋媽咪奶奶同新娘，Elke 助手主要負責媽咪奶奶同新娘
我聽番媽咪同奶奶反應都話好好，好細心，出黎效果都好靚女
可以安心交晒比 mua 完全唔洗我擔心，呢點真係好重要
真係好開心認識到你啊 : )
我絕對會介紹比其他朋友，不過佢都好 Full，祝大家好運！
就這樣
沒有留言:
張貼留言