// 囍 // 媽咪奶奶都要靚 ❤ 晚裝篇...*

自己衫定好晒就係時候著手搞掂媽咪同奶奶喇！

又係因為方便借還衫所以一早鎖定左元朗區

有朋友介紹元朗雅麗就一於 Book 個時間分別同媽咪奶奶上去睇睇

一定要打去 Book 定時間，因為都幾多人，walk in 未必招呼到你地架！

當時我租價錢係 $1600 / 2件 (包一次轉款)

(可能已經加左價，最好自己問問先)

樓上鋪，就係中旅社樓上

地方都幾大，有晚裝西裝仲有裙褂，媽媽奶奶衫都佔左 2 大排

上到去都唔需要自己睇，因為真係好多同好密

只需講出想要咩色同要求職員就會去幫你揀幾件埋鏡併併，岩心水就可以試

而家好少聽人講上門下門，上門係男家，下門係女家

所以揀衫方面奶奶可以要幾誇有幾誇，大紅大紫最岩

而媽咪衫就唔好搶過奶奶鏡就最適合

而衫數量方面最好大家都一樣

知道媽咪想中場換衫咁我就決定好一人租二套，大家都靚足全場

咁呢 D 我覺得跟到就跟，唔一定要做到，要知道 2 位長老本身真係唔介意都好，

到時只要有某 D 三姑六婆比意見就可能會由唔介意變成介意

結婚 10 月尾，6月尾先同奶奶上去試

想講店員真係有經驗，佢地揀個 D 大部分都真係唔錯，可以放心比佢地揀

呢套掛起其實唔特別，但一試上身有叮一聲

我同奶奶都好鐘意

顏色又唔係好鮮紅，酒紅感覺更有質感，上身配金線繡花好岩喜慶日子著

大家都睇到奶奶身型比較豐滿，短袖同下身裙擺都比較顯瘦，唔加披肩都好好睇！

唔想奶奶花錢特別買多套朝早敬茶著，我就建議朝早同上半場著呢套紅色

呢個款唔算好誇張，日間著都好適合，真心好靚！

奶奶鐘意深藍色，呢件肉眼睇勁閃，D 珠片繡花都好立體

而且 D 擺位都修飾到身型仲有 A 字裙擺、短袖加上深色全部都係顯瘦 point！

但因為深藍色的關係奶奶都仍然心大心細，

最後我話襯到你本身對深藍色飲鞋唔洗特別買過對 (平時又少著真係有少少浪費)

仲有其實實物真係超閃，所以都唔會好暗沉唔顯眼

真係好閃好高貴架！

我覺得奶奶 2 套都好好睇，我最鍾意係紅色個套

上左去 2 次仲試左好多套，揀比奶奶試大部分都係紫呀紅呀粉呀

都有試下其他色，其實右邊銀色都幾靚喎！

之後到媽咪試喇！

點解媽媽級都好似好鐘意紫色？XDDD

呢套個下擺好特別，融入中西元素

眼利的應該都留意到奶奶有試到呢個款，奶奶都話呢個款靚

大紫大紅都集齊晒！

唔記得講雅麗仲會配埋耳環同頸鏈，唔洗煩實在太好喇！

媽咪另一套揀左呢件灰色，清清地都幾好睇

睇番相先知多左條銀色腰帶仲好睇 Ｄ

同我姊妹裙隻色好似，係我姊妹團其中一人XDDD

又係紫色...

發現媽咪著呢隻綠都幾好睇之後店員勁快手拎左好幾件出黎試XD

中間深藍色我媽咪勁鐘意，但好似太普通就作罷

右邊粉紅色係銀色同款

FB : 元朗雅麗婚紗晚裝 Wedding CIassic

就這樣