送禮自用兩相宜 ● 柔滑透明質酸洗面蛋蛋系列...*

我回來了....其實都好幾天了!
Holiday Mood仍然十分勁...好想繼續去旅行啊!!!!!!!!!!
不過事實擺在眼前
飯都要吃...工都要返...文都要打!!!

真的太好運...

本來外遊前已經交晒手上的試用文...(其實不多呀!不過後製需時!)
打算開開心心、了無牽掛的去旅行囉!

點知.... [如圖]

我之前已經讚過SaSa的速遞安排得好好...
因為可以預先告訴SaSa屋企幾時有人...
唔駛成日心掛掛唔知收唔收到...(我屋企office hour多數係冇人的)

所以我多數安排在6點後...或者星期六收件...
點知我星期二已經收到速遞公司電話...問我方唔方便收件...
因家中沒有人...最後都係決定星期六再送...辛苦晒!
不過速遞哥哥(?)好好禮貌...係咁話唔緊要, 星期六再送啦!

點解我會咁大反應...係因為...

早前參加某公司送mask...又係有速遞送比你...
不過只限工業地址...
最後我寫了朋友的鋪位...都OK喎!
滿心觀喜等待啦...
點知o個日朋友有事遲左少少開鋪...
而速遞又到左...最後打比我...
不停問我點解未開...? 點解冇人...? (態度極差)
仲問我點算...? 咁我就問可唔可以遲少少或者改期再送...
佢(態度仍然極差)話 : 唔得喎!又不停問點解冇人收件先?點解你本人唔黎收之類的說話
之後我話, 如果可以我都想自己收, 不過一定要商業地址嘛!
佢再問 : 咁而家點 ?
我答 : 你話唔可以遲d或者改期...咁算啦!我唔要喇...唔該你!
之後佢cut左我線!!!!!!
xyz!$@#$&*$#

我知我都有責任...不過佢態度真係好差好差!!!!
雖然唔駛錢係送...而家搞到我好似乞番黎咁...感覺真係好差呀

而家講起我都好嬲啊!!!我好少咁忟架~
冷靜!!冷靜!!冷靜!!冷靜!!冷靜!!冷靜!!冷靜!!冷靜!!冷靜!!冷靜!!冷靜!!冷靜!!冷靜!!

E...係一盒雞蛋 + 貼心字條一張!
(題外話 : 唔深究係真心定假意...寫o既真係令我好鬼開心囉XD)

之後上網CHECK一CHECK...
什麼 ? 名額只有2個!!!!!!!!
當我Apply時讚好人數已經高達170多個....
我是走什麼好運啊....哈哈哈!!
開心了好一陣子!!!!!

其實不是真雞蛋喇!
 (廢話, 無事無幹送雞蛋給你幹麼?!)
他們是

Sasatinnie Miracle Silky Hyaluronic Acid Facial Soap
柔滑透明質酸洗面皂系列

Made in 泡菜國架!!!

我對Handmade的東西都有一種抗拒唔到魔力...

總覺得Handmade的都多一份貼心、多一份心思的!!

全人手製造，採用純天然精華及植物油，每天讓面部肌膚沐浴於柔滑如絲的泡沫之中，
有效徹底卸除彩妝及臉上污垢，同時強效鎖水。低過敏原的溫和配方，不含人造色素或香料，
任何膚質均可放心使用，包括敏感幼嫩肌膚。

拿上手根本同真雞蛋的Size一樣嘛...
不停說 : 好真好真!!!心裡想的是 : 好好玩XD

每盒都仿照真實蛋盒包裝設計，像真度極高，
除了是點綴浴室的趣味裝飾，亦是送贈親友的心思選擇！
包括雪白保濕皂及清爽控油皂各一，
分別有效滋潤保濕及控制油脂，可按肌膚當日需要選用。
潔面泡沫柔滑如絲，能徹底卸除妝容及殘餘污垢，感覺清爽舒適，不會有絲毫繃緊感覺。

太似喇...我又諗到野玩...哈哈~
如果唔係張膠...真係認唔出架!!!!

一心打算去旅行用...因深怕壓爛...我把它埋在深深處...
最後...我完全忘記了!!!!
因為我用右下角的波點化妝袋就已經可以解決晒所有護膚化妝程序....
直到最後一天執行李才發現....
(四晚都是同一間酒店根本不用執嘛!)
就這樣....新的去新的回來 =_________="

我到底在幹什麼啊 ?

算了...抓緊時間....回來第一時間用囉 ~

先試雪白保濕皂

主要成份︰蛋白及透明質酸
-------功效--------
● 蘊含透明質酸，能鎖住1000倍水份，強效鎖水，讓肌膚持久保持水潤亮澤

● 促進膠原蛋白增生及修復，令肌膚回復彈性及光澤

● 蛋白成份蘊含水解酵素，改善真皮層纖維組織，並即時收細毛孔，延緩衰老

起泡網真係洗面的好朋友...3幾下手勢就已經可以起到又密又厚的泡泡囉

這款主打保濕...當然來一個水油 Test 啦!!!

我是先用卸妝油/水卸妝...再用洗面皂...
有時用卸妝水未必可以卸得好乾淨, 用埋個皂就乾淨晒喇~

這款用完個感覺就好似阿Rain個潔面廣告所講的一個唔知係廣東話定國語...『爽』!
我是混合肌...覺得不錯 ~ 特別適合夏天使用!!!
但乾性肌就唔太建議用了~
水油 Test 即時效果很好...始終是剛剛洗完面哦 ~參考下好了!

洗乾淨塊面我就去洗白白囉...

洗完白白等多陣再 Test...比之前 ↓ 了...不過都仍然

一星期我會用2-3次清爽控油皂其實可按個人需要使用架!!!

主要成份︰蛋白、抗氧輔酵素Q10及黃土

-------功效--------

採用美容泥當中最溫和的黃土，徹底潔淨肌膚、去除死皮及控油，敏感肌亦適合使用。

保留肌膚表面的天然油份，不會令肌膚乾燥

強效抗氧化，保護肌膚免受自由基侵害

促進血液循環及細胞更新，延緩衰老

方法同上...

見到呢個情況唔駛驚...用水濕下佢就可以了~
我估計係我放番佢落個盒度仲冚埋個蓋...之後放埋o係浴室太焗太濕所致的...
其實我覺得2款用起上來都差不多...都係用完好爽的!!!!再一次建議乾性肌可能不太適合哦!!!要考慮一下~控油就唔太感覺到! 翌日起床鼻上都有泛油...
其實潔面產品最重要是什麼 ? 就是能夠洗乾淨塊面嘛 ~所以我覺得合格的 ~
而且外形太可愛, 送禮自用都是一個不錯的選擇, 價錢又大眾化, 只要HK$89/盒 (50g x 2)...買來"乙水"下朋友都幾有心思架 ~

SaSa莎莎有售, 有興趣去摸摸看!

* * *感謝 Sa Sa Facebook * * *