其實...我已經好勤力架喇!!
之但係d相執極都執唔完咁喎
...
...不過放心!!我一定唔會爛尾的XD
Day 2又完成...本以為冇太多相可以分享...點知執執下仲多過Day 1
大家慢用 : )
回顧請click ↓ ↓ ↓
回顧請click ↓ ↓ ↓
04.07.2011
今日第一站係去新北投浸溫泉...
原先行程冇呢項...不過領隊朋友建議Day 1同 Day 2掉轉...
咁Day 2早上就可以有時間去浸溫泉...大前題係順路嘛!!!
而我一直以為去浸溫泉好似去游水咁要帶好多野....原來係咩都唔駛帶架!!!!
明明話Plan好9:00am起身...9:30am出門口....
事實係11:00先出門口XD
不過之後又會同我預D時間吻合架喎...哈哈!
冇咩時間...去樓下7仔食啦...反正台灣7仔好多野都好好味!!!
呢個西瓜牛奶...我搵左佢好多年了
2008年去台灣...領隊朋友狂推介話好好味...點知完全搵唔到...
而家變左季節限定了...
超好味!!!好想飲多幾盒
另外, 個三文治又係好正...HK$10都唔駛...
我的櫻花蝦飯團...真係有一隻隻櫻花蝦的...好味!
男友的北海道蛙魚飯團...佢話冇料的
搭捷運到北投 (月台整得好靚架!) 站再轉月台去新北投...
本以為由西門到新北投要1小時左右...點知30mins已經到左了!
連車身都好有特式...擺明for遊客的!
裡面仲有野玩...不過唔係每一卡都有...
但無反應的
北投去新北投只係一站之隔...不過架車行得好慢好慢!!
一出到去...就已經見到各溫泉旅館的位置指示!
本身都有mark到某幾間評價都OK...
不過領隊朋友話可以先行一圈再用Feel黎決定...好隨意!
仲話門口有晒價錢...睇o岩先入去...
提提你 : 如果係大時大節記得要book定喇...平日就可以walk in!!!
咁就行啦...但唔知有冇行錯左...
因為係星期一...大部分乜館物館都係關門的...
沿路其實都幾靚架...
不過真係熱到出晒汗...仲要行斜路上山
而且可能真係行錯左喎...愈上就愈唔對路...
完全唔覺有好多溫泉浸o既...d價錢牌呢 ?!
仲話行一圈先決定?!
最後折返去我本身List上的其中一間好了...
呢間叫Villa 32 [三二行館]
係我睇旅遊書介紹...網上評價都ok的!
佢個門口完全唔覺得似係囉...而且又冇價錢牌喎!!
第一次經過時門口仲企左3個不知明的男人...完全唔敢行去睇~
好勇咁入左去...原來入面幾靚喎!!
接待大堂都好靚...等一陣就會有人帶上房架喇!!!
價錢係NT2000 / 90分鐘 (HK$545)
事前有問過台灣朋友...佢話都有點貴...又係叫我睇下先...
不過真係好熱唔想再搵喇!!!!
如果係住宿可以揀唔同類型的房間...有D都幾有特式架...
不過WALK IN就得一種!!
係一間真係只用黎浸溫泉o既房囉...
佢會預先開好水...再問需唔需要介紹...
第一次咩都唔識...當然要啦!!
好簡短的介紹 : 浸前先沖乾淨個身就可以了XDD
沖涼同溫泉上面個簾係可以拉開架...有透明玻璃的~
如果落住雨又凍凍地應該幾好FEEL...
不過我見到附近係比較高的住宅啊...都係唔好咁OPEN好了!
估唔到竟然係用LOCCITANE...貴少少都係有道理o既!
連BODY LOTION都準備埋...唔錯!!! 大量搽上身XDDD
沖完涼就可以浸喇...不過每次唔好浸太耐...
要上黎休息下先好再浸...同埋唔好過心臟...
一路聽住歌...一路計時...飲下水...浸下又休息下...好Relax!!
真正的溫泉水真係咁o既色架...唔係d水污濁啊~
有張好大的sofa可以比你攤下...
真係浸到出晒汗...成身軟晒...輕飄飄的...
Woody冇份浸都話要影下相喎 ~
90分鐘好快過...又係時候走人嚕!!!
浸完雖然好累...不過容光煥發左...白到反晒光XDDD
留意我對長短襪 (爆)
新北投都幾有日本feel...
d景好靚...好多新人都取景影相...
唔知呢d係咪溫泉水呢XDDD
如果覺得私人湯屋貴...可以自備毛巾同泳衣黎呢度浸架...
好平!! NT$40 (HK$10.9)
之後我地就出發去淡水了...出左閘先食個蜜糖波堤...
最好味應該係呢個!!
浸完溫泉除左累之外...仲會好肚餓架!!!
開始掃街了!!!!!!!
繼光香香雞好出名...唔多介紹啦!!!
第一次食...都幾好味啊!!!
第一杯蜂蜜苦瓜汁...唔太夠蜂蜜略苦...不過我接受到!!
男友又係點仙草奶茶...呢條友仔成日都係飲呢個
星期一都咁多人...假日真係唔洗行...
又係好出名的...
好可愛!!好似車厘茄...
不過太甜同乾左少少...
淡水好多懷舊東東...喜愛懷舊的一定要黎走走!!
鹽酥菇...本身冇打算食呢間...
不過老闆好識做生意...試左先決定!
試左又OK喎...就買個綜合的!!
好味啊...不過都係覺得好熱氣囉~
之後我地做左個錯誤的決定...竟然買左阿婆先!!!
真係前世未拎過野...可以去完漁人碼頭番黎先買架嘛!!!
好在唔重又唔駛我拎XD...我地冇買鐵蛋啊...因為覺得麻麻地~
而呢個時候我開始頭痛同腰骨痛...我覺得係因為浸完溫泉發晒出黎架
最慘係我冇帶頭痛藥出黎...但一去到D有冷氣o既地方個頭又會冇咁痛...
我諗天氣真係太焗了...
本身都掙扎緊...去唔去漁人碼頭...
因為真係幾痛下...最後都決定去啦!! 唔想後悔嘛~
又做錯左一樣野...本身paln好係搭船去...搭公車番...
點知上船時佢問我係唔係來回...
我又傻下傻下答左係 =_______________="
來回的話用優悠卡DO 2下就OK...
佢會比張回程票你...
架船好熱好焗...最後仲好拋...好似過山車咁...都幾驚!!!
早左少少黎...冇咩人!!
行下情人橋啦...其實除左睇日落...都真係冇咩野行...
邊個揸機好明顯啦...都唔知對焦左去邊XDDD
上到橋去幾大風...不過D海風好笠呀!!!
等日落有時間又同Woody影下相先!!!
日落了...都真係幾浪漫架...不過好熱XD
食完呢個日落好飽XD
好喜歡呢2張...好好Feel...
上命名為 : 兩小無猜甜蜜蜜
下命名為 : 媽~我影到日落喇!!!!
本身想等埋情人橋開燈...點知等左好耐都唔開...
男友話驚開左燈之後好多人湧去搭船...咁就走嚕~
回程架船仲焗仲熱...不過都zZz左...但好似搭左好耐囉!!!!!
個頭仲愈來愈痛
好多人都話呢d雪糕唔好食...係冰黎...
我好想試...就買左個小的...
的確奶味冇咩...係水+冰...不過天氣真係好熱...我差不多食晒!
之後男友又買了鳥蛋...都幾好味...不過膽固醇好高下!
至於花枝丸就好難食...唔熱...凍冰冰...好硬 ~
應該係我地唔識揀!!!!!
之後就去每個香港人必去的士夜市了!!!!!!!!!!!!!!!!
因為唔肚餓...就先行另一邊...
唔可以叫路"邊"攤...係路中攤囉XDDD
條路已經窄...變左仲窄...又超級多人...明明係星期一喎!!!!
有檔全部NT$100...想睇耐D都唔得呀~ ~ ~好迫!!!
台灣好多呢種飲料...可以試左先買...
Day 1就係o係師大夜市飲過...都係覺得師大夜市好飲D...
呢個時候...我個頭已經痛到爆...條腰都係...
已經呆呆的冇晒表情...仲搵男友出氣
真係好辛苦!!!
周圍搵地方買藥...諗住金興發有啦...
點知都係冇...最後o係屈記買左台灣版必利痛...
個盒又難開...男友開左超耐...我個頭就黎好似要爆咁喇
o係極度辛苦之下我發左男友脾氣
(我唔想架!!!)
(我唔想架!!!)不過佢知我好辛苦...反而仲好關心我...(感動)
最後暴力之下終於開左...
食完過一陣冇晒事...連條腰都唔痛....太好了!!!!!!!
往後幾日我都係同必利痛相依為命了
一冇事我又開始食食食....
終於行到去呢邊...不過好靜啊!!!
有一半鋪都冇開....只不過係10點咋喎!!!!!!
之後男友決定去呢間食...我唔明點解揀呢間...
原來佢話旅遊書有介紹...原來佢有睇o既XDDDD
佢話個臭豆腐好食...我就覺得伴碟的酸菜仲好味!!!
而個花枝羹就普通....
之後我仲介紹左男友食官財板...
點知佢竟然揀牛肉...仲話好味...其實我覺得雞肉好食D架!!
又買蜂蜜苦瓜汁喇...太熱氣了!!!!!
仲買左十全排骨番酒店食...我只係對D藥材湯有興趣...不過我覺得淡左少少...
D排骨男友食晒...話OK喎!
愈近的地方就愈唔會行...所以今晚去西門町行個圈先!!!
不過太夜都冇咩野行...係大街先有D野食檔...
但都係差不多的野食...冇興趣~
今日買左好少野咋!!!!
同Day1真係大對比....!哈哈哈~~~
蝦薯餅買比媽媽...其他都係男友的~
拖鞋金興發買的 NT$49 (HK$13.3)
呢個o係淡水一間買真皮的shop買的手帶...
我的是 NT$200 (HK$54.5)
男友的是 NT$250 (HK$68.1)
本身係想 ON & CAT...
不過佢話冇個 " &" 字...心心又好似好娘...最後變左咁!!!
後記 : 去完呢次台灣...我決定唔會再夏天去
因為真係太辛苦太熱了~ ~ ~
而且有d去過的地方都唔駛再去嚕...包括 : 漁人碼頭!!!!
同埋都係朝早唔好浸溫泉...行完街夜少少去...浸就再番酒店最好!!!!
不過都可能係我比較弱...我男友係累之外都冇野的~
大家可以考慮一下~
Day 3好快有...等等啦
沒有留言:
張貼留言