I ' m C a t H u i ☺: 2011台北生日之旅 Day 1 : 機場 / Just Sleep / 光南批發 / 大創 / 師大夜市...*

Hoho...2011年台北遊記出世了

執相都執到傻...五日...影了1376張相...
但我只係執好Day 1的

今次遊記我會打得比較詳細...一來係為了慶祝男友生日...
我都想打詳細一點好好記錄...
二來可以比新手自由行多一點資料...希望幫到大家!

好! 先交待一下台北之旅的費用...
我們是在美麗華買package的(機票+酒店)...其實分開訂會最平...
不過都係平幾百蚊...怕麻煩的我都係搵朋友幫手好了...
機票連酒店包埋稅 : HK3590/位
保險在美麗華買有9折 : HK169/位

03.07.2011 (SUN)

上機前一日已經於網上辦理好check in手續...仲揀左近機翼位置...當日6:30am出門口...8:00am到達會合埋男友就寄埋行李去食早餐...我地搭中華航空...10:10am...

本身自己已經有優悠卡...所以都冇諗過出台灣旅遊局拎...估唔到check in都送埋...仲要係特別版...又有NT50儲值額...不錯!

好耐冇搭過飛機喇...其實我有搭飛機恐嚇症...起飛同降落我最怕

好怕聽到引擎加速o既聲...但我知咁多交通工具其實係飛機最安全的!不過心理上就係怕囉...成日諗點解咁重都可以o係個天飛XDD

因為食左早餐...都唔係好食得落...
好多人話飛機餐好難食...不過都唔係呀!
|左上角個檸檬味CAKE都幾好味...係口感有少少似擦膠...哈!
搭左1小時多D就到台北了...好快~
過左關就即刻搵ATM...記住用ATM拎錢個匯率係最好架喇...
唔好傻豬豬見人排隊去銀行櫃位你又跟住去呀!
反而ATM就一個人都冇...

整個trip我地用左2次ATM...
用銀聯(手續費最低)第一次拎NT20000 (HK$5452.72)...
已經係單次提款最高提款額喇...
橫掂都要比手續費當然拎多D...
當日的兌換率係3.667(回港之後打簿CHECK番的...當時唔會知道的!)

而第2次用ATM都係用銀聯o係SOGO Food court拎左NT10000 (HK$2724.58)
當日的兌換率係3.67
最後用剩左NT2000...

一有錢就身痕...即刻去出番張大哥大

...

以我去5日為例, 你同佢講要NT345 o個隻預付卡就可以5日無限上網...
佢會加多NT60落去等你除左上網仲可以打8分鐘電話...共NT405...比台証同埋唔記得係身份証定PASSPORT佢影印再填好簡單的FORM就OK了~

之後比埋你部電話佢...佢會幫你換好晒直到上到網WORK為止...
佢地已經有MICRO-SIM卡FOR艾瘋4架喇~放心!
呢度需時比較耐...因為好多人都出卡...

如果都係怕唔識用...佢有晒小冊子比你...上面有埋你個電話 no....

不過我一眼都冇睇過囉

行過少少就係國光旅運櫃位...
一行埋去講台北車站...2位...俾錢走人!
超快手...我諗20秒都冇XD

之前o係KLM 免費整的行李牌終於可以用到喇..
帶埋曚曚去旅行

好快就到左台北車站...1個鐘都唔駛...
上車前每個行李都有一個no.貼紙...
比no.佢就可以攞番自己的行李了...

之後行去捷運站增值左NT200優悠卡...
話說台北車站真係好大...搵目的地都有少少難度

先到酒店CHECK IN...
我今次揀近西門町的JUST SLEEP...
係晶華五星級酒店旗下主打年輕人的旅店...
09年開都仲好新淨...
而且D床上用品都係五星級一樣的...

o係西門站5號出直行5分鐘就到...
其實有電梯的...不過行李暫時仲好輕就等佢抬下啦~

間房係長型的...床頭對床頭都幾搞笑...
有窗好好呀...超碼知道咩天氣嘛!
對面就係美華泰喇...好方便!!!!!!

一入門口右邊就係廁所...之後係淋浴間...簡簡單單的~分開都幾好...唔駛爭廁所用!!佢d公仔好得意呀~

而一入門口左手邊就係鏡同洗手盆...開放式的...基本上酒店有的都有...好整齊!

有UCC咖啡同有3款茶包可以沖...
日日都會REFILL的...

床我都覺得好舒服啊...又乾淨!除左第一晚有少少生保外...其餘時間都訓得好好~每日出去...番黎就已經執好晒...好似新入住咁...而o個2塊葉係如果你要換床單就可以放在床上...咁執房時就會幫你換埋...我好鍾意呢點...又環保d...按自己需要先換~

放低d野...休息一陣就出去了...我地o個層o係5樓...有埋餐廳同電腦比人上網...不過全幢都有free wifi...好方便!好滿意呢間酒店...下次可以再book...不過我都係想試下新譯...本身第一日我係plan好去淡水 + 士林架...因為下午到行多陣可以順便睇埋日落嘛...我見好多人第一日都係咁PLAN...不過我比晒成個行程領導朋友睇...佢話唔好喎...佢解釋第一日已經早起...仲要行淡水...夜晚再到市林會比較辛苦...建議我將DAY 2同DAY 1掉轉...DAY 2係SHOPPING DAY...冇咁辛苦!最後當然聽領導朋友講啦...的確!!!有經驗係唔同D...好在掉一掉咋

又去番台北車站...先行下地下街...
一落到去就已經聞到好香咖啡味...
呢個飽都幾出名...不過我地都冇興趣冇食~

聽好多人講地下街冇野行...唔好去...
但我又覺得有冇野行都係睇下自己用咩心態去行...
我覺得都幾好行呀...唔熱...落雨又唔怕...
又有野飲野食買...仲有兩間夾公仔...
好多NT100衫賣...但要花心機去揀...

D鞋好多都係NT200/對...唔算貴!
不過我都冇買...因為懶得除鞋試...哈哈!
仲比我地搵到李儀餅店...唔駛o係九份買落黎喇~

之後搵野食...第一餐唔可以求其架...
見到老董牛肉麵喎...記得係出名的...就食佢啦~
一入到店就落勁大大大大雨...行晒雷...咁o岩有人又冇帶到遮...
好擔心之後o既行程呀!!!

男友點了上品滿漢牛肉麵 (NT 240) (HK$65.4)
我的是半筋半肉麵 (NT 210) (HK$57.2)
小籠包 (NT$80) (HK$27.8)
豆漿一杯 (NT$20) (HK$5.4)

估唔到超大碗...應該SHARE一碗就夠...
而且食食下都覺得其實幾貴哦

(哈~我地完全冇理到個價錢)
不過真係好好味...好多牛肉...
我都食唔晒...比左好多牛肉男友...
不過小籠包就唔好食喇~

食完好口渴...又買野飲...幾好飲..好似道地啊!
台灣好多屋仔飲品好多都好好味...又平!!

好在之後冇落雨...只係天陰陰咋!

之後就行光南批發...久大文具行...大創...都冇心情影相嚕!
而家對3點幾...下下都要篤機...好煩!

SHOPPING完見時間差不多就拎D戰利品番酒店...
因為我知道回港後都唔會有心機排好影...
所以每日都影晒D戰利品先...係一個好方法!
床又大...唔駛執個位黎影...

大合照...其實好少野咋...
因為對3.667太低...好多野都變得唔抵嚕!
已經收左手好多了~
而且係DAY 1買得最多...我而家好後悔唔買多D...哈哈!

我有分類影啊...上圖係光南買的!
共NT3241 (HK$883.8)

Biore防晒係光南最平架喇 (NT$189) (HK$51.5)...
不過如果屈記做優惠會仲抵...我見到佢第2件6折...不過我已經買左...
而且只做好短時間...

另外有支藍色的...都係Biore防晒有SPF48 PA+++ (NT$99) (HK$26.9)
因為我又係唔帶BODY防晒...打算即買即用...
用左幾日...OK好用啊...佢好水...一D都唔LUP...呢個價錢好抵用!

3M痘痘貼又係光南最平架喇...呢盒最抵!
一盒有40PCS (NT$69) (HK$18.8)

買左支舊版啡色SOLONE...都係唔係平好多架咋...應該仲貴左?!
(NT$149) (HK$40.6)...已經用左...真係好好用...好易畫!

其實仲有好多唔同牌子但又好相似的眼線筆架...
仲平D tim...我都買左黎試...(NT$79) (HK$21.5)
不過未開...哈哈!

另外, 抽D比較特別的再介紹下...

本身都冇帶過黎...因為諗住到時買...
呢隻我睇台灣BLOGGER介紹已經好心動...
因為個粉紅色外型已經殺晒!!!

仲要有埋限定/ 日系空氣感/ 花香/ 送髮圈喎...我忍唔到喇~
雖然我都覺得比較貴 (NT 280) (HK$76.3)
不過龍城仲未有啊...其他色龍城已經有喇~仲平好多 (HK$65)

用左幾日...我係用完髮蠟就用佢定型...
唔硬...有空氣感...香香地...如果之後塔左仲可以再造型...都OK架!

早排好多人討論的美妝蛋...
其實唔係平好多...(NT99) (HK$26.9)
SASA好像賣HK$36...
不過見冇咩野買...佢又輕就買3個啦~
仲未試...最近都係用2 WAY CAKE...

行完光南...行埋久大文具行...好多層啊...好多野睇!!

領隧朋友話冇野行...
我覺得如果喜歡文具精品同DIY o既應該都幾喜歡架~
不過購買力已經減左一半...有d累了~
見到大大隻草泥馬...好想買!!
不過太大隻都係放棄了...

之後再轉戰去大創...佢唔似香港$10店...
佢真係樣樣都係NT39 (HK$10.6)...唔會冇啦啦又會有其他價錢~
由於對3.667...已經冇咁抵...
好多香港可以$10買到的我都SKIP了...
我只係買左D香港成日唔見番貨o既Toner...
仲有拖鞋係即買即用...都係特登唔帶...拖鞋有好多款都好靚!!
男友揀得好開心...哈哈!
(佢好係熱愛拖鞋...成日話開鋪要賣拖鞋XDD)

個兔仔耳頭COOL同雞仔簿都好可愛啊~

而小童Size的雨褸我本身係買黎打算去九份十分o個日著o既...
因為o個邊好多時都會落雨架...
雖然係小童Size...不過都幾 fit...而且我覺得幾靚.....(逃)

之後就番酒店放低d野...又經過地下街...
男友要去廁所...我把握時間入左康士美研究...
見到Biore又係NT99...真心覺得好抵...又買多支先!!
好在有買...原來咁好用!
之後都見唔番NT$99呢個價喇

仲買左2盒Sexy look x Hello Kitty mask (NT$99) (HK$26.9) ...
1盒有5PCS...我唔知好唔好用...都唔敢買太多...
不過番到黎派派下...我得番4塊咋...早知買多D...
但仲未試唔知好唔好架XDDDD

好輕鬆咁行番去...因為男友拎晒D野...
佢仲講笑話知道點解要同佢去旅行喎...kaka!!
而家先明白...不過真係好少野咋...我都冇去到好盡

上去之前...先去樓下間7仔拎payeasy訂左o既野先...我第一次訂!!
樓下有間7仔太方便我訂野喇...如果你都係住just sleep...
請記記低門市名稱 : 欣漢華

我搵左好耐架喇...payeasy係有提供7仔比你揀...不過超唔清晰...
我都係上google map同酒店官網提供o既地圖搵...真係搵到頭都大!
好在最後都搵到...哈哈!

去到payeasy都唔知買咩好...樣樣都好似好正!!!
我主要睇護膚品 ...

BEAUTY DIY同BEAUTY EASY我一直都好想試下...
當時DIY做緊NT$499 (HK$136) 任選3件指定貨品...
佢仲有埋美白精華揀...好似好抵...除番開都係HK$45.3/件...
最後要左2 SET NT $499 (如圖)
X 2係買多支比媽媽用的...

之後仲買左好出名的紅酒MASK...

優惠活動加NT$169可以要埋甘草薏仁美白凍膜(加大版)...

唔好蝕低...緊係要埋啦!!哈哈~

最後自覺揀得太多...都冇再買了...

試唔到BEAUTY EASY呀...!!!

唔好問我好唔好用...因為我一件都未開啊~~~~~

又因為全館買滿過NT8XX仲送左個小小的士多啤梨凍膜比我...好可愛架!

入開7仔就睇下雜誌有咩送(我今次其中的目標)...好多都送好多野...正!

不過得呢本吸引我...只要NT$168 (HK$45.8)...

就可以拎走價值NT$480 (HK$130.8)的貨Size保濕密粉一盒!!

白痴的我以為是粉餅, 原來=碎粉...哈!

不過都好抵啊啊啊~ ~ ~

本書留左o係酒店房比d執房姐姐睇啦....哈哈!

男友話想飲d有汽的提提神喎...介紹佢飲呢個...

真係好正!!!好好味!!!

之後拎埋d香港手信出發去師大夜市搵我的台灣朋友喇...

諗左好耐應該搭捷運定打的去...
最後都係敵不過累...打的算!!!!
因為我知道台灣打的都唔會太貴...不過男友就好擔心好遠又好貴喇~
都搭左成幾個字...好似好耐咁....
而且好奇怪我地係完全見唔到個價錢錶?!!!!!!
最後比NT$135 (HK$36.8)就可以了...唔貴啊!!
之後問番台灣朋友都話差不多啦~~冇比人呃!!哈~

由於係星期日...所以超多人啊!!!!!!
不過好快就搵到台灣朋友了~~~~~

呢個台灣朋友o係係上次去墾丁時搭埋同一架的士識架~
(我上幾篇台灣遊記都有提過)
之後都 keep住間唔中有msn...(我好少開...而佢又係夜瞄貓子)
最近先add 埋facebook咋...

知道佢o係師大夜市擺檔賣太眼鏡同草帽...(地址: 49巷旁邊是賣冰的叫"霖園", 大家去到可以幫襯下佢架~~哈哈!)
而我又會去...所以就打算去探下佢啦...
我仲問左Isa同朋友應該買d咩比台灣朋友好...
最後買左mini維他奶同麥精各一...
卡樂B JAGABEE薯條一大包...
仲有雞仔餅...老婆餅...都係台灣冇架!!
希望佢會喜歡啦~

佢仲送左草帽比我...超喜歡...
成個TRIP好多時候都有帶~~Thanks!!!
我等緊佢黎香港玩我帶佢地周圍去啊~

傾左一陣就去行下喇...好感謝佢教我地點行...

因為都幾亂...唔認得D路....

D鋪頭好多都好靚...男友話好似去左日本咁呀...

行完一圈就決定去買野食嚕....我地o既dinner就在此解決...
不過都係好多人....而且下午個牛肉麵仲未消化...我都食左好少野咋~

第一間男友揀的..完全冇人幫襯...好似仲收緊檔咁XDDD

要左個綜合...不過我完全冇食過...

男友都話普通...哈哈!

大腸包小腸出晒名...但一次都未食過...

唔記得揀左個咩味...我食左一啖覺得普通...不過好多料啊!!

我諗係男友個味揀得唔好!!!!

個老闆好好人...好長氣咁介紹點食...食完要扭出黎架~~

出發前男友話佢只係要求食牛肉麵同豪大大...

牛肉麵已經食左...不過佢又唔食呢度o既豪大大佢話好大塊驚好飽哦...

推薦羊肉...好好吃!!!

太多人要等....不過真係好好味!!!

要左半隻雞小辣...下次可以試下中辣...

因為太飽食唔晒...放左o係雪櫃第2晚食仲好味...入晒味架~

而且佢d骨超硬...皮係爽的...

同大陸d走地雞好似....雞味會濃d架...

黎到又點可以唔幫襯...大家都姓許XDDD

不過都真係太多人...........而且叫飛都好亂....

D人係唔係都遞張紙出去o既.....

仲未到又太熱...買左杯野飲...

唔記得係咩...總之係2種生果撈埋...仲可以試下邊隻好先買...

個台妹都幾靚 A_____Av

終於等到了....實在太耐....抓狂!!!
我男友在ETUDE HOUSE門口等...我就熱住o係個檔等...睇住佢地做到滴晒汗架...睇住一爐爐咁出都幾好睇....不過好熱!!

因為剛剛整好...熱到唔係人食...我地都係番酒店先食喇...
雖然凍左...不過都好好味啊!!!
加埋佢辣醬仲正...我食左3個...男友2個~
我諗冬天熱食應該好正~~~