2012年大計劃始動...*

由今日開始, 我會多D黎呢邊打BLOG...

因為我想記錄低呢個大Project呀!!!
始終TZ係美容BLOG...
我都唔好意思打咁多唔關事o既野啦~
不過我仲會keep住update TZ...
應該係話...美容o個d呢度就未必有得睇架喇~(因為我本人好懶copy)
所以你想睇咩自己識路啦XD


其實發夢都冇諗到咁快就有我地個小天地...
詳細原因我就唔多講...因為都想有保留番少少私隱啦~
主力我想記錄番個過程...
雖然我地唔係全屋裝修, 咩都可以自己話事...
不過都要加加改改D野啦~

地點就唔方便透露...
係村屋2/F連露台...3房一廳...都有700幾呎架~(實際我冇問~哈!)
睇落好大架...唔知第時擺晒傢私又點呢?!

露台影入去....

上一個業主都翻新左少少...牆/天花/地我地都決定唔會再整架喇~

樓底其實矮好, 所以假天花唔駛諗....
睇過資料樓底矮最好天花同牆一樣色...
仲要光猛...咁睇落就冇咁大壓迫感架喇~
好在而家都OK~

主人房...

中間細房...仲未諗點用...(冇冷氣位)

最後一間...其實呢間同主人房爭少少架咋...都係仲未諗點用...

D房門鎖好搞笑...唔知點解上手係用呢隻....

即係入面鎖左出面點都開唔到架!!!
所以我地決定換番普遍o個d啦~
仲有3間房d門都好實...師傅話可能要拆落黎削下/換左佢喇~~~~

今篇介紹左廳同房先...下篇係最多功夫要整o既廚廁呀!!!!!!

手畫平面圖...哈哈!!!!

呢幅我畫o既, 係唔係清楚d?

遲d度埋尺寸按比例用電腦畫多張先!!!
第時買傢私可能有用掛~

今次講咁多先....打理2個blog真係容易呀@.@