最難搞的廚廁...*

黎到最難搞...最多野整o既廁所 + 廚房喇!!!!

見到都頭痛呀> <"

廁所係長方形o既...好失望冇浴缸!!!!!!

我知浴缸好浪費水, 不過我都唔會日日浸啦...
係間中一次半次ja...浴缸係我想要左好耐好耐o既野...
但我好肯定唔會改成浴缸架喇~
都係諗緊加番門定浴簾!!!!!

不過...我已經決定第時會買吹氣o個d...
我見tb都唔貴...好過冇啦~
又可以收埋佢, 用o個時先拎出黎...

已知馬桶會換...唔駛買有存貨XD

上面個架都會拆, 已經氧化晒喇!!!!
熱水爐要買, 不過未知用咩牌子, 好似係裝企缸入面(?!)

洗手盆我地想換...因為唔太喜歡個顏色,

同埋我想下面有櫃可以放d清潔用品~
洗手盆有一個存貨呀...未睇o岩唔o岩~

鏡就換架喇, 心水係鏡櫃!!!!
做BLOGGER係好多護膚品架嘛XDDDDD

洗手盆隔離可以擺洗衣機, 本身想買大眼雞...
因為阿媽成日都話大眼雞好, 洗得乾淨D!!!
不過呢個位好細, 我諗只可以用直立式....

之後問左家姐阿哥佢地原來都係用直立式架...
話2個人唔洗用大眼雞啦, 直立式好夠架喇~
仲有洗衫都快D, 45分鐘就洗完機衫喇!!!!
用大眼雞要等2粒鐘呀...次次都等到眼訓zZzZ....

好消息係洗衣機唔駛買, 因為男友媽佢比左屋企o個個我地...
佢就換大眼雞, 日立牌都好新淨架~
尺寸都度左OK, 太好了!!!!又慳番~~~

廁所同廚房天花都一樣, 因為見到有裂痕驚危險,

所以會拆晒佢油油算喇~

之後到廚房...超污糟!!!!!!

試下搵D洗石粉睇下抹唔抹到啦...不過雲石食左色都好難搞@@
唔知拆唔拆左佢再整過呢?

部抽油煙機就唔要喇, 會裝番最普通的抽氣扇...
因為我地都唔會煮太多高難度o既野XDDDD
個木板都會拆...

放雪櫃位, 呢個要買喇~~~~~

露台, MEME曚曚的家XD
應該放到間狗屋o既~
不過要封網呀, 驚佢地睇唔開跳落街XDDDD

前屋主竟然係用露台個窗花黎整堅入面d鋁窗花!!!!
係超級穩固呀!!!!
不過就唔可以隨時拆落黎囉....
其實都ok的, 好似安全d, 唔驚有賊咁容易爬入屋(touchwood)

不過呢!!
屋主翻新油油又唔封好先油...搞到個玻璃好多油漬...
仲要開唔到隻窗....唉!!!!
有排抹了!!!!!!