新鮮熱辣的一篇，尋晚放工先去玩架咋！
實在太開心，我要把握時間同大家介紹一下，因為波波池只開放３日，錯過左就冇機會喇！！
今個６月，太古城中心重新打造以「Live Happy」為品牌定位，藉此傳遞細嚐身邊快樂事，體會簡單愉悅的訊息。為將「Live Happy」的快樂氣氛推至高峰，太古城中心特別於 6 月 13 至 15 日期間舉辦一個嶄新概念的大型公眾活動，於場內的溜冰場上打造全港首個超大型的室內波波池 –「波池的海」，注入黃色、白色代表著快樂正能量的塑膠球，以及設置多個大型波波球裝置，印上「Live Happy」字眼，讓訪客盡情投入一片充滿歡樂及活力的「波池的海」，體驗簡單愉悅的幸福感。
建議大家可以在波波池玩呢啲 ↑，不過要小心唔好影響到其他人呀！
等入場中，邊個小朋友最興奮呢？XD
入到場每人會派發一個腰包可以放個人貴重物品及LOCKER 鎖匙，之後工作人員會再派發銀幣開 LOCKER 用，鎖好袋就可以除鞋、消毒雙手進場
另外為保持衛生必須著襪，試玩當天大會也有派每人一對新襪備用，未知對外開放會唔會有，大家最好帶多對做後備，因為始終是溜冰場，可能地下有點濕的
還有在池內要好好看守個人物品，唔見左真係會搵唔番！
波波池分２區，上圖是大人池約 0.8 米深
成人區域 (身高必須1.4米或以上)
另一邊是小童池區域約 0.4 米深
小童區域 (身高必須高於0.8米)
場內還有一條長達 5 米的滑梯，朋友說都幾離心下，我見她叫得好大聲，所以不敢挑戰XD
因為每節只有 40 分鐘，入到波波池要把握時間 SELFIE
在波海中自拍是常識吧？
我諗有十幾廿年冇玩過波波池，實在太開心太興奮了！！！！
場中所有膠波均使用 LDPE 的可循環再造膠物料製成，當活動完結後，除一部分膠波會捐贈予慈善團體，剩下的所有膠波均會送往全港唯一只進行本地廢棄塑膠回收及資源再生的機構「仁愛堂環保園塑膠資源再生中心」，重塑成各種塑膠製產品的原材料，大家就唔洗驚堆口區出現波波池啦！
據說瘋狂掉波可以減拜拜肉XD
實在影左太多相，唔講咁多慢慢睇
呀！仲有，原來入場唔可以帶自拍棒，因為可能會整到其他人，真係好可惜呀 T.T
場內還有多個直徑達 3 米的巨型充氣球作裝飾，大家也可以用來拍照
40 分鐘真係唔夠喉呀！好想再去玩多次！好想再去玩多次！好想再去玩多次！
得 3 日咋！把握機會囉～
太古城中心「波池的海」簡介：
日期：2015年6月13日至6月15日
地點：太古城中心冰上皇宮溜冰場
開放時間：上午10時至晚上10時 - 每節40分鐘(共9節)，每次最多容納120人
(清潔小休：下午1時至2時/下午4時至5時/晚上7時至8時/晚上10時後)
參加方法：於太古城中心憑任何 6 月消費收據、及於 Facebook 專頁「Cityplaza Hong Kong」內「按讚」便可 入內體驗
入場限制：成人區域 (身高1.4米或以上) / 小童區域 (身高必須高於0.8米)
查詢：(852) 2568 8665或 www.cityplaza.com 或Facebook專頁「Cityplaza Hong Kong」
* 活動由太古城中心邀請
就這樣
沒有留言:
張貼留言