其實呢輯相係上年架！MeMe 9 歲小型生日會都過埋XD
因為一直好懶打番篇文，但冇理由打算出 9 歲生日又唔出番 8 歲生日架嘛！
所以在毫無預算下極速執好相打番篇文
由上年開始已經約定每年 6 月都要同 meme 慶祝生日，要有狗仔蛋糕，要影一張全家幅
我希望仲有好多好多個 6 月可以齊齊整整一齊過
一如以往都係在同一間 order 狗仔食的生日蛋糕
價錢都係百零蚊咁上下，好細個係唔平架！但一年一次唔緊要啦 : )
但今年竟然整錯左做 MiMi......
番到屋企店主都好好人話可以到店轉過，但我嫌麻煩就唔換喇
都幾搞笑呀！又可以笑下
因為太耐我都已經唔記得揀左咩餡
又拎番上年準備左的生日帽比 meme 帶，佢一開始又係好驚「呢舊咩黎架？」
想埋少少影張相都避開，又扭黎扭去，d相就緊係鬆郁濛 =,.=
呢張算係最好架喇！
之後同左佢講你生日呀！係你個生日蛋糕
佢又好似明喎！就影到呢張得意樣喇！
通常我地分 4 次比 meme 食，因為一次唔可以食太多架！
極速清碟，在家從來沒有長糧出現過XD
其實又邊有咁多靚相，好多都.....唉！
合照仲難影，呢堆 NG 已經叫還好...
未準備好有、動感有、唔知望左去邊有、男友偷睇電視有、粗臂肥面又點少得XD
所以首圖已經係 100 分
9 歲生日會我會盡快執好打好，年紀大記性愈來愈差，真係要好好記錄一下！
就這樣
沒有留言:
張貼留言