大部分女仔對於婚紗都一定有憧憬，我甚至覺得婚紗應該係結婚先著
所以我真係留到結婚先第一次
終於要著手揀婚紗同晚裝，見好多 B2B 都好興致勃勃周圍試覺得好勁
我追求完美但又怕麻煩呢個性格真係好麻煩XDDD
本來都打算元朗區搵就算，因為借還衫方便嘛！
感恩幸運之神一直好眷顧我
竟然比我抽中左 Callalie Bridal 當時舉辦的 Giveaway
(因為想慳錢當時參加左好多有關結婚的抽獎XDDD)
獎品係可以 Big Day 當日免費借 1 婚紗 2 晚裝
當時心諗 3 套應該都夠晒
又可以慳幾千蚊，係借還衫辛苦少少唔緊要啦！(老公：又唔係你揸車....)
好快就約好時間第一次上去睇下咩環境
好老實講地方唔算大，本身都以為衫款少一定好難揀，都打定底唔 ok 就去番元朗算
不過試過先知合身鐘意其實幾件就夠，同埋去過幾次都有番過新貨
第一次上去可以試 3 套，Annie 同 Christine 都勁 Nice
無因為我係得獎而來服務唔好
Christine 主力負責幫我著衫，佢好落力，而且意見好中肯，會就身材去幫我揀衫
過程中比左好多意見我，真係學左唔少野
我上身微胖，之前影 PW 都知心形胸係最岩我
呢件特式係勁修腰，明明 29 腰都好似 22 腰咁
仲有裙擺都好靚，好適合行教堂
不過我未有叮一聲的感覺
到第 2 件睇落好簡單，加埋裙撐個形好好睇，好似公主裙
呢件著上去就已經好鐘意，我聽到「叮」呀！
另一個喜愛原因係佢有層閃閃布架！肉眼睇真係好閃好閃
Christine 話進場熄晒燈再打個射燈會見到閃閃令
就係咁...我加左 $1000 揀左 The One ( 部分 upgrade 款 需加 $1000)
完全無後悔揀左呢條，真係好鐘意好鐘意
仲試左一條晚裝，其實呢條我都好鐘意，不過我未修身成功，個虎背好嚇人下
第一次就試住 3 件先！
過多幾個月我又上去搞搞震，因為仲要 confirm 埋 2 件晚裝
我成日話敬酒唔要著紅色，因為覺得有少少老土
但說話真係唔可以講得太肯定
Christine 叫我試左先再考慮
點知原來紅色係可以咁顯白！！！！！！
本身膚色已經唔係白淨，所以顯白真係好驚喜
呢套徐若瑄婚照都有著過
我媽勁心心眼，但我覺得太誇張唔係好方便敬酒
知道我想要輕便款 Christine 又再搵左 2 款比我試
呢件個裙擺好美，不過腰位唔算好修，本身已經係水桶腰.....
媽咪就覺得有少少似姊妹裙
呢款個布我地講笑話好似酒樓用個 D 檯布，其實我好鐘意呢個質地
後面好靚好顯瘦，不過胸型就一般，但都 hold 左先！
再試下晚裝，紫藍色好特別
覺得自己著呢隻綠好襯，不過影 PW 時已經著過，同埋好修腰，暫時 Hold 左先！
因為手臀好粗，一直好想試下一字膊會唔會瘦 D
其實都唔錯，但大家一致覺得閃閃個條更襯我
再著多次比較下，真係呢條係 The One
第三次上去又番左新的敬酒裙，本身咪話覺得心型胸最顯瘦
但呢件又係我鐘意的滑滑布料，Christine 都係叫我試左先再考慮
試左又覺覺得好好睇喎！
就係咁敬酒揀左佢！
紅色襯金器真係好夾
因為番左新晚裝又試埋，呢條好公主，但太淺色
呢條一著就幾鐘意，仲要新番，我應該都係頭幾個著
最後揀左佢送客，家姐都話呢條靚
簡單顯瘦 cutting 不過都係上面藍色特別少少
我知長輩未必鐘意深藍色，不過有機會可以試下都開心
好顯瘦，我媽就好鐘意，不過男家過唔到，尊重長輩都唔揀佢喇
我知唔少 B2B 都鐘意魚尾，本人就麻麻地唔係咁襯我
仲有好多淺色粉色晚裝，試唔到咁多影比大家睇睇
最後我係加左 $2000 借左 1 婚紗 2 晚裝 ( 部分 upgrade 款 需加 $1000)
如果大家搵緊衫又係尖沙咀區不妨約個時間去睇睇
就這樣
沒有留言:
張貼留言