講完婚紗晚裝就講下男禮
其實 16 年就已經去過舊鋪,仲好快手訂左一套男禮
因為仲要揀多套男禮,隔段時間又會番新款,所以婚前再去多次作最後衝刺
Carmine 已經由新蒲崗搬左去觀塘喇!
新店大好多好多
揀衫試衫都舒服好多
回帶先!呢套就係老公一見鐘意的男禮
因為 D 款真係轉得好快,第一次去已經即刻訂左呢套
呢套到左酒樓就著,襯到晒我全部衫
呢隻色真係好靚,又唔會好沉,要知道新郎都係主角黎架嘛!
襯敬酒裙都好夾
好喇!回帶完就 GOGOGO 揀第二套
老公要求唔要黑色,都唔要同樣藍色,就揀灰色啦!
呢套朝早襯掛同外拍著,我地揀特別少少格仔款
就係呢套灰色格仔了!
襯到兄弟之餘又因為格仔紋唔會同兄弟太似
因為格仔我地叫呢套做老爺西裝,襯傳統褂好夾
當日去外拍唔著外套又可以好 casual
貪方便我地仲即場揀埋 2 個煲呔,都好多款可以慢慢襯
因為抽獎中左 3 套,諗諗下 3 套好似少左 d,話晒一生人一次嘛!(藉口)
仲爭一套迎賓晚裝,Carmine 都有婚紗晚裝租借服務提供
左邊呢套好靚,但深藍色過唔到關
試左幾套都冇叮一聲
我已經 confirm 左敬酒,但呢套都真係好靚!
又係我鐘意的滑滑質地,紅得黎唔同角度會有少少金色勁特別
仲有 2 個款可轉,雖然唔揀但試到已經好滿足
試左幾件都冇心水係因為心繫呢條 pantone 色呀!
最後真係揀左佢做迎賓
好鐘意好鐘意,我諗鐘意粉紅色的都會鐘意
多謝攝影師有影到單人照
揀好晒男禮同晚裝,把握時間去睇埋絲花球
呢個工作室除左少左 D 花香之外都真係好似一間花店
有好多花球可以參考
我要揀一個外拍同酒樓用的絲花球,心大心細
最後都係決定揀最愛的粉紅色
呢 3 個款色調好似,但認真睇其實好唔同
拎上手比大家對比下先!
最後我揀左最下個款,有少少不規側,唔會太圓的花球
仲會有埋同款新郎襟花
原來攝影師都有影到花球特寫喎!
拎埋出去外拍,好美
唔知手擺邊拎花球就岩架喇!
我家 MeMe 超可愛
因為花球顏色屬於淺粉,唔會太搶 fo
但又可以點綴到呢點好緊要
除左好靚 (指花球) 之外我都唔知講咩好XD
Carmine Wedding Dress :https://www.facebook.com/carmine.dress/
Palmarosa Garden Party:https://www.facebook.com/palmarosagarden/
就這樣
沒有留言:
張貼留言