期待已久的私人泳池終於黎喇！
為左佢仲帶埋 2 個大水泡黎打卡，泵氣泵到我腳抽筋XD
唔落水齋訓都好爽
食完 Tea 已經急不及待衝落水，無太陽落水有 DD 凍
游一陣就攤抖下，真係好舒服
因為發現無牙刷牙膏所以行多轉去買順便買埋晚餐
7-11 必食之一蕃茄通粉，睇過 Catgirl 介紹一試愛上
連老公都上左癮，每次去泰國必食！
MAMA 冬蔭功金邊粉又係好好食
去超市會抬包裝帶番香港
7-11 必食之二蝦餃，呢個係睇史萊姆介紹又係一試愛上！
叮叮野黎講好高質，叮完個皮都仲係好JUICY完全唔會乾，入面仲有唔少蝦
我覺得拍得住茶樓點心
CP 牌都唔會差得去邊，惹味！
ER...呢個就冇乜印象....
泰國必飲椰青水，勁平 25B 咋！
又解渴又清熱
食完野老公睇電視打機，我就攤左係吊床搖左一個鐘之後
又衝上去玩水，原來泳池有按摩功能架！
不過落水個下都幾凍 (震)
影左好多都炒左好多XDD
11點左右就上番水
一轉眼就到 7:30am有人送飄浮早餐黎喇！
眼訓得黎好興奮
明明揀左 3 樣水果，我個份好似比漏左
好多野食！連 D 醬汁都一應俱全
每一樣野都係好食架！
實在非常佩服 D KOL可以化好晒妝狀態大勇咁打卡
岩岩起身塊面腫到一個點XDDDD
而個身就不嬲都肥腫難分，所以都係著番件袍意思意思打個卡就算
近機場成日都有飛機經過，我搭飛機黎個時仲好似見到呢間酒店添！
唔好以為飄浮早餐好爽，其實曬到 PK，最後打完卡我地搬左去埋邊食XDDD
食完把握時間玩多陣水就要 check out 喇 > <:
一個爸爸睇住個囡玩的概念
最後先出張泳裝相:p
感謝水泡遮左最多肥肉的地方，山長水遠帶黎都值得！
雖然之後放氣又同佢地搏鬥左一輪XD
下篇介紹另一間位於市中心的都算新酒店，都係泳池房黎架！
Stay tuned
沒有留言:
張貼留言