去清邁好多人都會花一日時間去埋清萊白、黑、藍三廟
掙扎緊包車定跟 Day Tour，最後都係懶 Plan 跟 Day Tour 算
之前曼谷都跟過 KKday 覺得 OK 所以今次都一樣
【清邁清萊一日遊】經典藍白黑廟、金三角、泰北長頸族部落、帕瑤遊湖、清邁夜市
不過呢篇只會介紹 Wiang Pa Pao 溫泉同白廟
因為清邁去清萊單程至少要 3 小時，所以當日7:00am 就已經要集合
早到酒店都未有早餐食，唯有食7-11飛碟做早餐
難得冇人影相的塔佩門，可以任影
但太早實在好眼訓 Z z z z
等領隊等車等團友s
第一站去到 Wiang Pa Pao 溫泉
我覺得呢一站根本就係廁所位XD
Wiang Pa Pao 溫泉是位於清萊遠巴保縣，天然泡腳溫泉吸引世界各地遊客前來遊覽，溫
泉水溫最高可達 90 度，一邊泡腳的同時也可以一邊享用溫泉蛋。
上遊浸腳，下遊烚蛋，老公又講衰野話 D 溫泉蛋可能有腳臭味XD
冇時間亦唔會除鞋浸之下我用手摸過 D 水都真係幾熱
呢 D 應該安全掛XDDDD
唔通用呢度 D 水烚蛋特別好食 ? (利伸 : 無買)
領隊幫我地影左張合照，曬到呢 !
跳上車訓下醒下終於到左白廟喇 !
這是入場劵
爬文睇到入廟有穿著要求，唔可以著短褲或短裙 (要及膝)、無袖上衣唔得，
如果無長褲或長裙都唔洗驚，附近有得租借或買沙龍
本身想穿一身白，但屋企個條白裙唔及膝，又唔想特登買，
最後著左呢件算，而老公就特登帶條長褲 For 呢一日著
入場真係有人 Check 衣著，唔好打算側側膊呀 !
實物真係超級靚 !
陽光打落去仲白，仲有 D 刺眼
完全無後悔山長水遠黎參觀
白廟（又名白龍寺、靈光寺、龍昆寺） 白廟由泰國著名藝術家 Chaloemchai Khositphiphat設計，耗費畢生心血構思而成的偉大建築作品。於1998年開始建造，至今仍持續建造當中。不同於泰國傳統金碧輝煌的寺廟，白龍寺以純白為底，鏡面玻璃鑲邊，白色象徵純潔，玻璃代表智慧。整座園區雕工華麗細膩，並榮獲全世界第二美廟宇之美稱。
又係領隊幫手影，搵佢影 D 構圖好好，因為佢幫人影左超多次XD
天氣好到眼都睜唔大，所以影背最靚XD
準備好未? 要從地獄穿梭到天堂喇 !
記得不可以回頭、唔可以停低，更加唔可以番轉頭
但其實好多人都回頭影相XD
而遠處係有職員拎住個大喇叭用普通話不停叫人唔好停要向前行，
仲會指明著咩個個女人，被點名都幾尷尬
呢度係地獄池，佈滿救贖之手
而當中有一隻係塗左紅色甲油，代表女性罪者，去到不妨細心搵搵
白廟範圍好大，得 45 分鐘參觀真係唔太夠
仲要預時間食 Lunch
類似許願池的一個涼亭
屋頂係 12 生肖
水池邊係 12 星座
山羊同巨蟹
知唔知呢 D 係咩 ?
有冇少少密集恐懼 ?
其實個 D 係大家願望黎架 !
寫完就可以掛上願望樹
旅行期間香港都打緊仗
嗯...一年過去都已經無咩特別想講，香港人加油 !
呢度連個廁所都金碧輝煌個人 !
天氣好好呀 ! 仲好熱 !
影左一陣相決定去畫展
其實時間唔多仲要自己預時間食 Lunch
但都快閃畫展一圈，因為短時間內都未必再黎架喇 !
入面唔可以影相，但好值得去，D藝術品同畫都好靚
如果大家跟團記得分 D 時間去
離開前係另一角度影都好靚
連個雪糕筒都咁型，明明收好相機都要拎出黎影
個團包一餐 Lunch 係自助餐就係白廟對面
參觀完自己行過去食就得架喇 !
因為時間無多無影好多相
撇除無冷氣同 D 冷盤唔凍之外都算多野食
味道都唔差添 ! 個團包埋算係咁啦 !
食西瓜食到好飽LOL
之後就出發去下一站 --- 藍廟
就這樣
沒有留言:
張貼留言