一直積存在草稿的一篇，有時間就出埋，雖然已婚就黎 3 年LOL
緣份之下得到一對哈哈笑結婚公仔就決定好整個婚禮主題
個人認為車頭公仔都幾重要，當日影相會有感上添花的感覺
呢架白色 BB 已經賣左，慶幸我堅持大日子用佢做主花車
一來慳左租車錢，但最重要都係呢架車有感情，有佢陪住我地結婚
婚照有佢出現係一個好好回憶 (我是念舊的山羊啊~~~)
因為 DIY 上癮所以改造左少少新娘頭飾
我買左 3 個皇冠髮飾，有好多色都係覺得銀色最靚
唔知大家覺得邊個靚，我最後揀左中間，記得用針線縫實，因為夾好易甩
之前佢個手花太細粒，我又加左紮類似繡球花比佢拎住，同樣要用針線縫實
個背脊加左個大蝴蝶結，本身想買粉紅色但無，唯有用紫色，我地用左好多索帶綁好
整好對公仔就整埋車門花
一開始就買左堆粉紅色蝴蝶結頭夾同哈哈笑紮頭髮橡筋
先用風筒吹熱蝴蝶結背後個夾 D 膠再移走個夾仔
之後綁上哈哈笑
總覺得有點單調，同伴娘諗左一陣......
諗起屋企有卷紫色紗布，用黎托一托底，即刻仙氣出左黎XDDD
因為要襯番個大蝴蝶所以又買多幾隻紫色
主花車用紫色，另外 3 架用粉紅色，安全 D 整多 4 個做 Spare
要綁所以要加絲帶
完成品就係咁! 好鐘意!
成套就係咁喇!
自己 DIY 永遠都係最滿足嘅
係咪有感上添花的感覺呢?
到左酒店仲有特別叫伴郎拆番對公仔出黎放接待處做裝飾，好靚呀真係:)
終於打完呢篇拖左好耐的花車篇
就這樣
沒有留言:
張貼留言